Foirm Iarratais Ghearr a Íoslódáil
Tugann intéirneacht an deis taithí luachmhar a fháil i dtimpeallacht oibre do na daoine sin ar mian leo an t-eolas agus na scileanna ábhartha a fhiosrú nó a ghnóthú le dul isteach i ngairm faoi leith.
Cuireann JobBridge socrúcháin taithí oibre ar fáil d'intéirnigh ar feadh tréimhse 6 mí nó 9 mí. Is éard is aidhm leis cabhrú le deireadh a chur leis an ngás nach mbíonn cuardaitheoirí poist ábalta post a fháil gan taithí, bíodh sin daoine atá ag dul isteach sa mhargadh saothair tar éis oideachais nó oiliúna nó oibreoirí dífhostaithe ar mian leo scileanna nua a fhoghlaim.
Gheobhaidh intéirnigh liúntas €50 in aghaidh na seachtaine anuas ar a liúntas leasa shóisialaigh. Beidh sin iníoctha ar feadh thréimhse na hintéirneachta.
Cad iad na buntáistí a bhaineann le hintéirneacht a dhéanamh?
- Taithí oibre luachmhar a fháil a fhéadfaidh tú a chur ar do CV
- Eolas a foghlaimíodh i dtimpeallacht oiliúna nó oideachais a chur i bhfeidhm
- Cur le do chuid scileanna agus cinn nua a fhoghlaim trí fhoghlaim san áit oibre
- Bealach le gairm bheatha nua a fhiosrú
- Cur le d'ionchais ó thaobh gairme beatha
- Teacht ar dheiseanna líonraithe agus fanacht gar don mhargadh saothair
- Cur le do mhuinín trí thaithí oibre.
Eagraíochtaí Rannpháirteacha
